Derde editie Trekkertrek Mofert op 1 augustus

Op zónjig 1 augustus zal de Stichting Trekker Trek Montfort veur de derde kieër Trekkertrek Mofert organisere. Dit evenement zal dit jaor weer oppe zelfdje locatie gehaje waere es die anger jaore, namelik ane Deelgaarderwaeg oppe gemèndjegrens tösse Roerdale en Ech-Zöstere.

Bie trekkertrek of tractor pulling is `t bedoeling óm mit `nen trakter of `nen trèkker `ne zoeagenaamdje sleipwage zoea wied meugelik euver de baan te riete. Daobie moge ze neet boete de baan kómme, dan wuuers se gediskwalificeerd. De baan is 100 maeter lank en es se `t ènj vanne baan haols, dan neume ze det `ne full pull. De sleipwage waat dit kieër bie Trekkertrek Mofert gebroek wuuertj is `ne Besj en hètj Brutus.

Trekkertrek Mofert begintj óm 10.00 oere. D'n entree is € 7,- en parkeren is veur nieks.

Mits neet anges vermeldj, valle alle tekste op dees pagina ónger `n Creative Commons Licentie.