Mofert wintj ZLF

`t Zuid-Limburgs Federatiefieës, waat op zónjig 18 juli in Maerse gehajen is, is gewonne door Sjötterie St. Urbanus oet Mofert. Wie gebroekelik bie `t federatiefieës, zeen veur de hoofpries de puntje veur `t sjete, defilé en hajing innen optoch bie-eingetèldj. Bie `t sjete haoldje Mofert `ne gedeildje derde plaats.

Ein probleem bie `t sjete in Maerse is `t vleegverkieër op vleegveldj Baek. Regelmaotig waerdje `t sjete stilgelag, óm vleegtuge neet in gevaor te bringe. Óm twintjig euver nege waerdje bekindj, det d'r nag versjillende vleegtuger euver zoue kómme en det det óngevieër `n half oer ging doere. In euverlèk mit de euvergebleve drie sjötterieje is beslaoten óm de ieëste, twieëdje en derde pries te deile. Behalve Mofert zote onnag Nattenhaoven en Zösteren inne race.

Same mit de puntje veuren optoch en `t defilé haoldje Mofert 300 puntje en haoldje daomit de ieëste pries. De volgendje prieze waerdje dore Moferse sjötte gehaoldj:
Ieëste pries (nao laoting) bèste hajing optoch nuje exercitie
Ieërepries (nao laoting) bèste defilé nuje exercitie
Ieërepries sjoeanste gehieël nuje exercitie
Twieëdje pries bèste vaandeldraeger nuje exercitie
Veerde pries sjoeanse keuningspaar in unifom
Ieëste pries bèste tamboer-majoor veerde divisie
Bie de soliste haoldje Bo Aben oet Mofert de twieëdje pries bie de veerde divisie tamboers.

Mits neet anges vermeldj, valle alle tekste op dees pagina ónger `n Creative Commons Licentie.