Zèstig kilomaeterzone Hoesbóngerdwaeg

`t College vanne gemèndje Roerdalen haet beslaoten óm de snelheidslimiet oppen Hoesbóngerdwaeg boete de beboewdje truuk te bringe nao 60 km/h. `t Stök vannen Hoesbóngerdwaeg inne gemèndje Ech is al langer 60 kilomaeter. Behalve deze maotregel zal d'n Hoesbóngerdwaeg onnimmieë veurangswaeg blieven en kump d'r bie de camping `n parkeerverbod.

`t Stök vanne waeg vanaaf efkes boete de beboewdje kom toet ane kruuting mitte Hoofdbrookwaeg (gemèndjegrens) wuuert inne toekóms 60-kilomaeter-zone, es `t aan `t college lèk. Deze begint bie de oetrit waal links oete bós kump. Of de komgrens hie opsjuuf toet ane 60-kilomaeter-zone, wuuertj in `t beslaot neet geneump. Ouch waeren alle aanpassinge ane waeg gedaon, waat huuere bie deze situatie. Zoea waere de kruutsinge mitte verharde waeg (Reigelsbrookwaeg, Hoesdiek en Hoofbrookwaeg) noe geliekwaerdig. Dees kruutsinge waere verhoeagdj, net wie de oetrit vanne camping enne euverstaekplaats van `t fietsjpaad. Op dees euverstaekplaats kump noe onnanne vluchheuvel tösse de vaarbane. Bie `t beging vanne zone ane kantj van Mofert kump `nen dörpel mit versmaling.

Bie de oetrit vanne camping kump ouch `n parkeerverbod. Dit wuuertj gedaon door `n parkeerverbodzäöneske vanaaf de Reigerwaeg (zandjwaeg) toet halverwaege tösse de oetrit enne Reigelsbrookwaeg. Op dit moment wuuertj dao nag väöl geparkeerd inne berm, waat dan dus nimmieë moog.

Mits neet anges vermeldj, valle alle tekste op dees pagina ónger `n Creative Commons Licentie.