Herinrichting Vlaot en Helderbaek opgeleverd

De aafgeloupen tied is `t Vlaot in `t Brook en de Helderbaek ónger Mofert opnuuj ingerich in opdrach van `t Watersjap Roer en Overmaas. Zónjig 13 juni is dit projec officieel opgeleverd. Tiedens de werkzaamhede zeen in `t Brook zón 70 Romeinse muntje gevónje. Waarsjienlik zeen dees verstop door `ne Romeinse legionair tiedens de Bataafsen Opstandj.

Eine toast op `t nuuj ingerichte Vlaot. (Foto: Roger Dircks)

Ter gelaegenheid van de oplevering zeen in `t Brook vlak bie de brök euver `t Vlaot (Sweeltjesbóswaeg) 5 replica's van de Romeinse munjte geplaats, óm dees vóns belaefbaar te make. Ónger toezeend oug van ein aantal Romeinse legionaers en `ne Germaan (eine naef van die Bataviere) waerdje de replica's onthuld door lieërlinge van basissjoeal De Hovenier.

D'r is ouch `n nuuj vootgengersbrökske aangelag tössen `t Sweeltje en `t Brook. Börgemeister Hanselaar van Roerdale en gedeputeerde Jos Hessels hawwe d'n ieër óm es ieëste officieel gebroek te make vanne brök.

Nao de officiële äöpening kóste de luuj de Romeinse muntje bewónjere inne Jachtore. Dao waas de muntjsjat einmaolig tentoeangestèldj.

Mieë foto's op Picasaweb.

Mits neet anges vermeldj, valle alle tekste op dees pagina ónger `n Creative Commons Licentie.