13 Juni: Aezelemert

Zónjig 13 juni organiseert de Stichting Montfort Promotion veur de derde keer de Aezelemert. De aafgeloupe 2 keer waas dees mert al `n gigantisch succes mit modeshows, autoshows, preuverieje, aezeleclub, heitelóchbelonne, demonstraties mit Belzje knolle en nag väöl mieë.

Ouch dit jaor speelt de Aezelemert zich weer aaf in de kern van Mofert (Diek, Diekestraot, Ane Kirk, Kirkstraot, de Bek en `t Vare). De mert doert van 11.00 toet 18.00 oeren en d'n entree is dit jaor gratis.

Ouch de Fómfaar zal dit jaor weer veur de neudige stömming zorge. De Bek wuuertj dan weer ómgetoverd toet ein gezellig terras, wo se kóns loestere nao de meziek van versjillende orkeste. Doe kóns dao netuurlik ouch genete van `n lekker glaeske drinken of get aete vanne berbecue. Meziek is d'r van Jeugorkeste oet Kerke en Leivere en vanne jeugfómfaar van Mofert same mitte blokfluitgroep vanne fómfaar. Wiejer zólle nag `t Fluit- en Trómmelkorps van Mofert, Blaoskepel De Nachsrave vannen Deelgaard en Kapel De Eigenheimer optraeje. Bie slech waer zeen de optraejes neet oppe Bek mer inne fómfaarzaal.

Mits neet anges vermeldj, valle alle tekste op dees pagina ónger `n Creative Commons Licentie.