Branj in hennepkwekerie oppe Roeazendaalsehei

Donderdig 19 mei is in `n weuning oppe Roeazendaalsehei brandj gewaes. De brandjwaer haet bie `t blusse `n hennepkwekerie in `t pandj óntdèk. Efkes veur 6 kreeg de brandjwaer `n meljing van `nen oetslaondje brandj. `t Pandj stóng laeg, mer haw oppe ieëste verdeping `n hennepkwekerie. `t Aantal hennepplantje wuuertj op 400 gesjat.

Ómwonendje hawwen al óm `n oer of 4 `ne brandjlóch geraoke, meh kóste neet drachter kómme wo `t vanaaf kwoom. De brandjwaer van Mofert en Remunj is ingezat óm de brandj te blusse. D'r waerdjen ouch `nen hoeagwèrker ingezat. Óm 6.22 oere waerdje `t sein brandjmeister gegaeve. De sjaaj veur de aangrenzende weuning is bekerk gebleve toet e bietje rouksjaaj.

Inne loup vannen daag wuuertj de kwekerie óntmanteldj en waere de hennepplantje weggebrach en vernietigd.

Mits neet anges vermeldj, valle alle tekste op dees pagina ónger `n Creative Commons Licentie.