Keuninginnendaagviering in Mofert

Wie aljaors wuuertj ouch dit jaor weer dore AJM mit keuninginnendaag `nen optoch georganiseerd same mitte drie meziekvereiniginge. Dae zal óm 10.00 oere vertrèkke vanaaf de Nuuj Mert.

Kinjer kónne zich de fietsj, de póppewage of zichzelf versieren en mitdoon anen optoch. Kinjer vanaaf groep 1 kriegen in Mofert oppe basissjoeal `n kaertje mit nómmer óm mit te doon.

`ne Deskundige jury zal de versieringe bekieke en beoeardeile. Peuters kriege `n nómmer bie `t opstèlle. Det kaertje motte de kinjer good beware, want es ze pries höbbe, dan kónne zie taengen inlevering van `t juuste kaertje de pries aafhaole. Waem pries haet en wo de prieze aafgehaoldj kónne waere, det wuuertj bekindj gemaak in `t Kirkeblaedje.

De route is Nuuj Mert, Diek, Achter `t Roeazenhäöfke, de Kamp, Pestoear Rieksstraot, Vaart, en tenslotte defilé ane Bek veur `t aad raodhoes.

Mits neet anges vermeldj, valle alle tekste op dees pagina ónger `n Creative Commons Licentie.