Man oet Mofert aangehaje veur mishanjeling

Inne nach van zaoterdig 17 op zónjig 18 april is in Remunj `ne 32-jäörige man oet Mofert aangehaje. De pliesie haet gezeen wie óm `n oer of vief twieë man `n kefee oet kome gerolle, `t Staasjesplein op. `t Bleke de man oet Mofert en `ne man oet Tilburg te zeen. De 35-jäörige man oet Tilburg bleek in `t kefee te wèrke.

Volges de pliesie haet de man oet Tilburg de man oet Mofert al `n paar kieër verzóch óm nao boete te gaon, meh det deej d'r neet. De man oet Mofert sjient doe d'n angere man in `t gezich te höbbe gehaue. Daobie motten `n aantal tenj gesneuveldj zeen. `t Man oet Tilburg verwaerdje zich en zoea kome ze-n `t Staajesplein op gerolle. De man oet Mofert waas ouch gewóndj en waerdje dore pliesie aangehajen en nao `t pliesiebureau gebrach.

Mits neet anges vermeldj, valle alle tekste op dees pagina ónger `n Creative Commons Licentie.