Vief nuje links op Mofert.nl

Mofert.nl haet d'r weer `n paar nuje links d'rbie.

Es ieëste de nuje site vanne EHBO vereiniging van Mofert. Doe kóns d'r alle informatie vinje euver lid waere, nuuts, `nen agenda en links. De rubriek is ''Euverig''.

Dan is d'r nag de site van Dwayne Verheijden. Deze Moferter accorionis is inmiddels werreldjberoemd in de tex-mex-werreldj. Hae haet gespeeld mit groeatehede wie Flaco Jimenez. Oppe site vinjs se alles euver `m: nuuts, biografie, foto's, kóntakinformatie, links, `n gastebook, media en netuurlik d'n agenda óm te zeen wo d'r dees daag speelt. En det alles neet allein van hem allein, mer ouch mit ziene band TexMeXplosion. Rubriek: ''Meziek''.

Ten derde höbbe veer nag de internetsite van Autoservice Montfort oete Zandj. Deze veurtzètting van Autop Mofert duit óngerhaad, APK, autoroete, sjaajherstèl en sjaajtaxatie. Doe vinjs oppe site ouch waem d'r wèrk, kóntakinformatie en klantjreferenties. Rubriek: ''Bedrieve''; subrubriek: ''Auto''.

Dan höbbe veer nag `n nuuj bedrief in Mofert, namelik Nissen Tuindesign & Construct inne Zandj. Det is d'r eine van John van Fäös. Oppe site kóns se zeen det `r neet mer `n hoveniersbedrief is. Hae beejt mieë aan. Doe vinjs d'r behalve de introductie ouch ónger angere kóntakinformatie, zien specialiteite, referenties en foto's. Hae is te vinje inne rubriek "Bedrieve" en dan ónger ''Boew''.

Es lèste is d'r nag de site vanne politieke pertie Democraten Roerdalen. Deze nuujkómmer inne Roerdaalse politiek haet bie häör ieëste verkezinge geliek eine zetel gehaoldj. Vanoet Mofert stóng de aafgeloupe verkezinge William van Brentjes oppe lies. Rubriek: ''Politiek''.

Mits neet anges vermeldj, valle alle tekste op dees pagina ónger `n Creative Commons Licentie.