Gemèndjeraodsverkezingen: 37 kandidate oet Mofert

De lieste vanne gemèndjeraodsverkezinge zeen aopenbaar gemaak. Veer vinje in de lieste in totaal 37 miense truuk waat in Mofert wone. De ènsigste lies wo gein Moferter op staon is `n lies zónger naam dae baeter bekindj is es de Jóngerelies.

De meiste Moferter staon op Lies Niese. Waal 20 van de 24 kandidate op dees van oearspróng Moferter lies wone in Mofert. De naamgaever vanne lies Ger van Niese steit nimmieë drop. Liestrèkker is Baer vanne Zuul.

Op Roerstreek Lokaal! staon 7 Moferter. Willem van Lambaer oete Baenj steit op nómmer 4. `t CDA haet noe 6 Moferter kandidate drop staon mit op nómmer 2 John vanne Vogel. Oppe lies vanne VVD staon d'r 3 waat in Mofert wone mit op nómmer 8 Marian van Bielmaekers.

De ènsigste nuuj lies is Democraten Roerdalen. Dao steit eine Moferter op inne persoean van William van Brentjens op nómmer 4.

Mits neet anges vermeldj, valle alle tekste op dees pagina ónger `n Creative Commons Licentie.