Aanvraog monumentestatus van Moferse lóchwachtore

Bie de Rieksdeens veur Cultureel Èrfgood is `n aanvraog binnegekómmen óm de lóchwachtore van Mofert toet besjermd monument aan te wieze. De Rieksdeens haet hieveur advies gevraog bie de gemèndje Roerdale. De gemèndje geit daoróm `n huuerzitting haje óm toet `n good advies te kómme. Belanghöbbendje waere verzoch oppe zitting `n standjpunt nao veure te bringe.

De lóchwachtore tösse Mofert en Lin (Foto: Wikipedia)

De lóchwachtore waerdje tösse 1951 en 1955 geboewdj es óngerdeil van ein lanjelik dèkkendj netwèrk van lóchwachposte. Tiedens de Kajen Oorlog moste dees poste leegvlegende vijhandelike vleechtuge op te mèrke.

In mei 2008 meldje Daagblaad De Limburger aldet d'n tore meugelik `n gemèndjelik monument zou waere. René Theunissen oet Berg sloot toen neet oet det de lóchwachtore `n rieksmonument zou waere.

Mits neet anges vermeldj, valle alle tekste op dees pagina ónger `n Creative Commons Licentie.