De Spreakbokse kómme mit nuje vastelaovessjlager

De vastlaovendj in Mofert laef. Neet alein waat activiteite betröf, mer ouch qua vastelaovesleedjes. Veurig jaor woren `t de leedjes van Nieks Verlaore waat griesgedrejd waerdje; dit jaor kump dao zeker `ne nujen arties bie. Of baeter gezag: artieste. Johan Ruiten en Ivar Gijsen vorme noe samen `t duo De Spreakbokse. Häör site www.despreakbokse.nl steit al `n tiedje online, mer noe ouch op Mofert.nl inne kategorie ''Meziek''.

De Speakbokse in kostuum (Foto: De Spraekbokse)

Bie `n glaas beer nao de Bujelezitting van `t veurig jaor is `t idee ontstangen óm zelf `n vastelaovesleedje te make. Det haet d'r inmiddels in geresulteerd det de twieë `ne vastelaovessjlager höbben opgenómme mitte titel ''Dae Kloon'' oppe meziek van ''Der letzte sirtaki'' van Rex Gildo.

Zaoterig 16 januari steit `t ieëste live optraejen ingepland tiedens `t Boerebal bie de Vogel.

Mits neet anges vermeldj, valle alle tekste op dees pagina ónger `n Creative Commons Licentie.