Romeinse muntjsjat geprizzenteerd

Donderdig 17 december is inne Jachtore de Romeinse muntjsjat geprizzenteerd, waat begin november in `t Brook is gevónje. `t Geit óm in totaal 71 muntje wovan 6 gouje en de res zilver. De aadste muntj dateerd oet `t jaor 122 veur Christus en de jóngste is van 69 nao Christus.

De munje zeen zuver gemaak door restauratie-ateliet Restaura in Hale. Ze zeen gevónje tiedens de wèrzaamhede veur `t herinrichte van `t Vlaot.

De Moferse amateurarcheoloog Huub Schmitz haet de munje per toeval gevónje. Hae heel bie de wèrkzaamhede van `t Watersjap `n uigske in `t zeil veur archeologisch adviesbureau RAAP. Wie d'r mitte metaaldetector euver `t landj leep, vónj d'r `n Romeins munje. Wie d'r `nen angeren daag truuk ging vónj d'r nag 4 muntjes. Daonao waerdje de ''hulptroepe'' gemobiliseerd.

Vermoed wuurtj det de muntjsjap nao aanleiding vanne Bataafsen opstandj door `ne Romeinse ligionair verstop is. `t Is neet bekindj woróm det zoea midden in `t dal van `t Vlaot is gedaon. In 1888 is d'r in `t Brook ouch al `n sjat gevónje van 39 zilvere munjte en bie de Goudberg zeen onnag vónste bekindj van Romeinse muntje en anger artefacte.

Wo de munje noe haer gaon is nanneet bekindj. De heemkundevereiniging pleit uiteraard veur `t Roerstreekmuseum in Berg ane Roer. Angere zeen de munje lever terrech kómmen in `t Limburgs Museum in Vènlo.

Mits neet anges vermeldj, valle alle tekste op dees pagina ónger `n Creative Commons Licentie.