Kersmert

Zónjig 6 december wuuert d'r inne sporthal wie aljaors de kersmert gehaje. Van 10.30 toet 17.00 oere kóns se dao terech veur allerlei kersgrei: kersgroepe, -stökskes, -stel, -decoraties en -kaarte. Daobie zóllen onnag diverse hobbymateriale te koup waeren aangebaoje veur `t make van (3D-)kaarte, bloomstökke, cadeauartikele en sfeerartikele veure kers. Ouch zal de Wienkeuningin van Mofert aanwezig zeen en de bezeukers e glaeske wien aanbeje.

Poster vanne kersmert

Versjillendje standhajers zólle demonstraties gaeven in ónger angere machinaal bordure, tiffany en `t make van sieräöj en kaarte. D'r zeen stands mit laergrei, woon-, hoes- en haofdecoratie, keramiek, portretteikeninge, aolielampe, sjoeanheidsproducte, allerlei saorte sieräöj, bèddegood, gegraveerde cadeauartikele en slók. Te väöl óm allemaol op te neume, dus `n bezeuk ane kersmert is mieë es de meujte waerd.

D'r wuuert ouch aan de inwendige miens gedach. Waat tunk dich van heerlike waofels en aolieböl, waat gebakke waere terwiel dets se wachs. Doe kóns die opaete op `t sfeervol ingerich terras, ónger `t gehuuer van kersmeziek.

Mits neet anges vermeldj, valle alle tekste op dees pagina ónger `n Creative Commons Licentie.