Jeroen Tiese prins van D’n Uul van den Grauwert

Aafgeloupe zaoterdig is in `t Ulepelies op spectacuraire meneer Jeroen Tissen oetgerope toet prins van D’n Uul van den Grauwert. Zelfs de brandjwaer mos d’raan te pas kómmen óm de nuje prins oet te rope. Mit väöl bómbarie höbbe zie de nuje prins `t Ulepelies binne gebrach.

Prins Jeroen I mit zien adjudante Ron en Stefan (Foto: Piet van der Beek)

Prins Jeroen I is eine verstenjige miens van 25 jaor mit väöl hobby’s. Ein van zien hobby’s is belle en dao haet d’r dan ouch min of mieë zie wèrk van gemaak. Hae is namelik helpdesk-analis bie ICT-bedrief Getronics. Wiejer is hae nag vlagger bie `t derde van voetbalvereiniging SNA, is hae gewaerdraeger bie Sjötterie St. Urbanus en hae duit gaer pielkes goeaje bie Dartclub De Rotonde. Netuurlik is d’r onnag actief bie de vastelaovesvereiniging.

Meh, zien grotste hobby is waal de brandjwaer. Al jaoren is hae bie de vriewillige brandjwaer van Mofert. Regelmaotig drejt hae es vriewilliger 24-oers deenste oppe kezern in Remunj. `t Is dan ouch neet verwónjerlik, det zien adjudante ouch bie de brandjwaer van Mofert zeen: Ron Smeets en Stefan Geelen. Allebei zeen zie gooj kammeräöj van Jeroen en kènne `m door en door. Ziene spreuk zaet genóg:

Brandjslang aane kantj, scepter inne handj!

Mits neet anges vermeldj, valle alle tekste op dees pagina ónger `n Creative Commons Licentie.