De 11de van de 11de: Mofert luuet van zich huuere
Bie `t evenement De 11de van de 11de, waat aljaors oppen èlfdje vannen èlfdje in Mestreech gehaje wuuertj höbbe de Moferse artieste good van zich laote huuere. `t Moferse talent blief bliekbaar neet ónopgemerk bie de organiserende Sjeng Kraft Kompenei.
Dwayne Verheyden oppen 11de vannen 11de. (Foto: Sjeng Kraft Kompenei)
Inne loup vanne middig stóng La Bamba al oppe buun. Behalve `t LVK-leedje van `t veurig jaor zónge zie ouch versjillende nómmers van häör nuuj CD.
Later oppe middig waas d'r onnag `n spetterendj optraeje van TexMeXplosion. Deze tex-mex groep van ónger angere Dwayne Verheyden brach versjillende bekindje nómmers ten gehuuere. De meiste van dees leedjes kónne veer meistal mit `ne Limburgse teks. Zie zónge de originele Spaanse tekste. Dwayne zelf stóng neet veuren ieëste kieër op dit evenement. Twieë jaor geleje kreeg hae hie de Sjeng oetgereik; `ne pries veur accordeontalent, geneump nao Sjeng Kraft.
Mits neet anges vermeldj, valle alle tekste op dees pagina ónger `n Creative Commons Licentie.
|
