Óndudelikheid euver boewplanne Nuuj Mert en voetbalveldj

`t Nuuj voetbalveldj is nanneet vaerdig of d'r is al veer van al te doon euver de boewplanne inne Wiejerd. Dagblad De Limburger meldj, det raodslid Frans Peeters (Lijst Nissen) pleit veur `t versjuve vanne boewplanne. `t Zorgcomplex, waat oppe Nuuj Mert zou kómme zou dan versjaove kónne waere, wodoor de Nuuj Mert behaje blief. Veurwaarde zou dan waal zeen, det `ne lap gróndj van 30 maeter langs `t Vlaot neet nao `t Watersjap Roer en Euvermaas geit.

`t Vlaot tösse d'n Diek enne kirk. `t Watersjap wiltj de baek hie laote meandere. (Foto: Roger Dircks)

Wèthajer Henk van der Linden (Roerstreek Lokaal!, Ruumtelike Ordening) haet volges de gezèt in waek 40 en 41 verkondigd, det `t Watersjap dae remel gróndj neet nuuedig haw veur de herinrichting van `t Vlaot. Meh volges waordveurder Ruud van Heel van `t Watersjap höbbe zie dae gróndj waal nuuedig óm `t Vlaot te laote meandere.

Mits neet anges vermeldj, valle alle tekste op dees pagina ónger `n Creative Commons Licentie.