Oape monumentendaag en Kunststroom Roerdalen

In `t weekend van 12 en 13 september zal in gans Nederlandj de Aope Monumentendaag plaatsvinje. Inne gemendje Roerdale wuuert dit evenement wie aljaors gecombineerd mit Kunststroom Roerdalen. In de aopegestèldje monumente exposere dan kusntenieërs oet gemèndjes, waat ane Roer lègke.

Sjiljerie van `t Kestieël vanne handj vanne in Mofert wonenede Didi Schroijen

Ouch Kestieël Mofert duit mit aan dees evenemente. Dit jaor exposeren inne Jachtore Roger Braun (Vloerep), Rita Gehlen-Marx (Wasseberg), Cordelia Wittig (Hinsberg) en Didi Schroijen (Mofert). Inne kerker vanne Witte Tore is `n bezunjer kunsprojec te zeen van lieërlinge vanne basissjoeal van Mofert.

Ouch de zangkuns zal aandach kriege. Zaoterdigmiddig treujt óm 16.30 oere `t kinjerkoear De Moferter Zengerkes op en sónjes is óm half twieë `n concert vanne jeugfómfaar. Allebei de daag is `t Kestieël van 11 toet 6 oere geäöpendj.

Mits neet anges vermeldj, valle alle tekste op dees pagina ónger `n Creative Commons Licentie.