Diekpop dit jaor binne

`t Popevenement Diekpop, waat zaoterdig 5 septmber door `t Trómmelkorps gehaje wuuert, zal dit jaor binne plaatsvinje. Door de kaje aovendje van deze tied van `t jaor haet de organisatie beslaoten óm `t evenement te verplaatse vanne parkeerplaats vanne Hoes nao de zaal vanne Hoes.

De poster van Diekpop

De hoofact vannen aovendj is de Anouk-tribute ''The Dark''. Wiejer zeen d'r optraejes van Murphy's Law - wo Jack van Craenen in speelt - en de band Gazoline mit Roger van Elly van Hanze. D'n aanvang is 20.00 oer en d'n entree is € 2,*.

Mits neet anges vermeldj, valle alle tekste op dees pagina ónger `n Creative Commons Licentie.