Trekkertrek Mofert noe op twieë bane

Zónjig 9 augustus wuuert veure twieëdje kieër Trekkertrek Mofert gehaje. Nao `t succes van `t veurig jaor is de wedstried oetgebrèdj en wuuert noe parallel gespeeld op twieë bane mit twieë sleipwages. Nuuj dit jaor is de zoeagenaamde PussyPull: de damescategorieje.

Inne zwaorste klasses wuuert regelmaotig `ne full pull getróch (Foto: Roger Dircks)

Óm 10 oere starte de wedstriede mit op baan 1 de zwaorste categorieje mit es sleipwage de Mission Impossible. Op baan 2 wuuertj de Blue Fighter getróch. Óm `n oer of 1 is veur alle categorieje d'n ieëste trèk gedaon. Nao `n pauze van e keteer wuuert wiejer gegange mitte twieëdje trèk.

D'r zeen categorieje veur 2,5; 3,5; 4,5; 5,5; 6,5; 7,5; 8,5 en 8,5-10 ton, d'r is `n 3,5 ton vrieje klasse en `n speciale klasse.

Tiedens d'n daag is d'r meziek van DJ Thei en UP2U (bekindj vanne halve-zoleshow). Trekkertrek Mofert wuuert net wie `t veurig jaor gehaje oppen Deelgaarderwaeg vlakbie de gemèndjegrens. D'n entree is € 6,-.

Mits neet anges vermeldj, valle alle tekste op dees pagina ónger `n Creative Commons Licentie.