Gein wiewater in wiewaterbek

In verbandj mit de Mexicaanse griep zólle de wiewaterbek inne Sinte Ketrienkirk van Mofert veurluipig laeg blieve. Det haet pestoear Honings, veuzitter vanne parochiecluster Roerstreek bekindj gemaak. Det geldj veur alle kirke binne dae cluster. Behalve dit zeen d'r nag anger maotregele getróffen óm de verspreiding van `t Mexicaanse griepvirus te beperke. Zoea waere kinjer veurluipig eders kieër mit nuuj water geduip. Relikwieje waere neet gekös en hae adviseerd de luuj óm wiejer oeterein te gaon zitten inne kirk. Gezeen de kirke allewiel meistal erg laeg zeen, zal det lèste gein probleem zeen. Veur de res wiltj Honings, det d'r gebaejd wuuert es besjerming taenge dees ziekte.

Pestoear Honings (Foto: Parochiecluster Roerstreek)

Mits neet anges vermeldj, valle alle tekste op dees pagina ónger `n Creative Commons Licentie.