Doezjende bezeukers op Middelieëws Mofert

De Fómfaar en de Stichting Kasteel Montfort kónne truukkieke op `n hieël geslaag evenement. De derde editie van Middelieëws Mofert waas ein spectaculair evenement waat zien twieë veurgengers euvertróf. Netuurlik haw Mofert ouch weel gelök mit `t waer. Op `n paar buujkes nao waas `t sjoean waer.

`t Riddertournooi waas `t hoeagepuntj van Middelieëws Mofert. (Foto: Roger Dircks)

De nuuedige doezendje bezeukers höbbe de waeg nao 1342 gevónje en waerdje vermaak mit allerlei veurstèllinge en scetches. Ónger angere waas d'r `n roufvogelshow, `n naogespeeldje rechszitting vanne sjaepebank, num mer op. Ouch de zoeagenaamde Bókkeriejerskerker waas veur `t ieës geäöpendj veur `t publiek. `t Hoeagtepuntj waas toch waal `t spectaculaire riddertournooi wobie geharnaste ridders te paerd ein mit lanze te lief ginge. Ouch sjoean wore de kleine (neet aangekondigde) scetches op `t terrein tössedoor. Euver `t algemein waerdje dees gedaon door vriewilligers zónger väöl acteerervaring. Óndanks det speelde dees luuj ongeluifelik good häör rol.

Mieë foto's van Middelieëws Mofert 2009

Op DoeBuus vinjs se nag e filmke van Middelieëws Mofert 2009

Mits neet anges vermeldj, valle alle tekste op dees pagina ónger `n Creative Commons Licentie.