Kaarte veur ''Knights by night'' te winne bie Mofert.nl

In `t weekend van 18 en 19 juli zal op en róndj `t Kestieël veur de derde kieër `t evenement Middelieëws Mofert gehaje waere. In `t kader van dit evenement zal oppe zaoterdigaovendj vanaaf 8 oere `n middelieëws midzomernachfieës gehaje waere. Dit is `n beslaote fieës, alein meh veur genuuedje. Mer, hie bie Mofert.nl kóns se kaarte winne veur dit uniek evenement.

`t Kestieël bie nach steit altied garant veur sjoeveringe. (Foto: Organisatie Middelieëws Mofert)

Óm mit te doon hoofs se alein mer `ne e-mail te sjikke nao Mofert.nl mit `t antjwaord op de priesvraog. De priesvraog is: ''Waem mos in 1342 geizen en hinne nao `t Kestieël aanveure veur de hertogelike keuke''. Tip: `t antjwaord is te vinjen oppe website van Middelieëws Mofert.

Gebroek veur te reagere `t kóntakformeleer van Mofert.nl. Klik oppe knoep ''Kóntak'' in `t menu hie links óm in `t kóntakformeleer te kómme. `t Is neet verplich óm `n e-mailadres in te völle. Vergaet waal niet óm in `t berich dien adres in te völle. Es se neet in Mofert woons, dan mos se ouch `n telefoonnómmer in `t berich vermelje. Wiejer mos se uiteraard ouch `t goje antjwaord oppe priesvraog in `t berich vermelje.

De priesvraog löp toet vriedig 17 juli 2009, drie oere snammedaags. Daonao kóns se nimmieë mitdoon. Nao drie oere zal d'n oetslaag op Mofert.nl gepubliceert waere. Es d'r mieë gooj inzendinge zeen, dan wuuert gelaot. De winnieër krieg twieë kaarte, dus doe hoofs neet alein te gaon. Es se-n in Mofert woons, dan waere de kaertjes vriedigaovendj bezorg. Woons se neet in Mofert, dan wuuers se inne gelaegenheid gestèldj óm vriedigaovendj de kaertjes op te haolen in Mofert.

Mits neet anges vermeldj, valle alle tekste op dees pagina ónger `n Creative Commons Licentie.