Nujen dirigent veur de Fómfaar

Vriedig 10 juli zal tiedens `t jaorlikse donateursconcert de nujen dirigent vanne Fómfaar aantraeje. Vanaaf augustus 2008 haet Harrie Wolters de Fómfaar gelèdj es interim-dirigent. Hae druueg dae vriedig `t stekste euver aan zienen opvolger Jan Kitzen oet Munstergelaen.

`t Donateursconcert, waat dore Fómfaar gehaje wuuert óm ederein te bedanke veur de steun in `t aafgeloupe sezoen, zal `t ieëste concert vanne Fómfaar zeen waat gedeiltelik door Kitzen gelèdj wuuert. Ouch Harrie Wolters zal `t concert deils lèjje. De jeugfómfaar geuf tiedens `t concert acte de présence ónger leiding van Jo Delissen. De jónge muzikante zólle ouch inkel wèrke same mitte blokfluiters vanne Fómfaar en de beginnende blaozers vanne jeug opveure.

`t Zal `n gevarieerd program zeen mit mit meziek veur jónk en aad. Vanaaf kwart veur ach saoves is ederein van herte welkom inne Fómfaarzaal ane Bek. Nao aafloup is d'r nag `n gezellig samezeen mit barbecue.

Mits neet anges vermeldj, valle alle tekste op dees pagina ónger `n Creative Commons Licentie.