Moferse sjötters moge zaoterdig truuk nao Naer

Zónjig 5 juli haet in Naer de jaorliksen Aje Limburger plaats gevónje. De Moferse Sjötterie St. Urbanus haet `t bie de sjeetwedstrieden good gedaon. Nag nemes haet gemis. Daoróm moge zie zaoterdig 11 juli truuk nao Naer gaon óm te kavelen ómme ieër.

Óndanks de wermte waas `t good sjötterswaer. D'r waas neet väöl winjd en de bewolking zorgdje veur `n sjoean contras tösse de bölkes enne hieëmel. Óndanks det vele inne ieëste runj väöl sjötterieje aaf; ouch versjillende favoriete. Ouch inne ieëste twieë kavelrunjes vele nag väöl sjötterieje aaf. Nao de derde kavelrunj waerdje de wedstried doren organisatie gestaak. Einenveertig sjötterieje bleven euver, wo-ónger dus ouch de Moferse sjötters.

Zaoterdig zal óm 10.30 oere `t insjete beginnen en óm 11 oere `t echte wèrk. Tösse 12.30 en 13.30 oere is d'r lunchpauze. Eventueel wuuert sónjes wiejergegange.

Mits neet anges vermeldj, valle alle tekste op dees pagina ónger `n Creative Commons Licentie.