Jan ''de badmeister'' van Helden keuninklik óngersjeie

Op 19 juli is Jan van Helden oet Mieëlik lid gewaorde inne Orde van Oranje-Nassau. Hae kreeg de keuninklikke óngersjeiïng op zien revaer gespangt door börgemeister Hanselaar. Jan noom daen daag aafsjied vanne vriewillige brandjwaer Mofert. Sins 1984 waas hae bie de brandjwaer in Mofert actief es bevelveurder en es brandjwach. Ouch zat hae zich in veure personeelsvereiniging vanne brandjwaer

Jan van Helden `ne langen tied in deens gewaes vanne Gemèndje Mofert. Hae waas ambtenieër inne boetedeens en is ouch badmeister gewaes op `t Sweeltje. Hae is daoróm ouch waal bekindj es Jan de badmeister. Jan kreeg zien óngersjeiïng ómdet hae`ne langen tied `n biedraag haet geleverd ane aopenbare veiligheid inne regio. Hae haet zich gerumen tied ten bate vanne samelaeving ingezat.

Mits neet anges vermeldj, valle alle tekste op dees pagina ónger `n Creative Commons Licentie.