Mofert haet las van lesvleegtuugskes

Mofert wuuert al maonje geteisterd door euvervlegende lesvleegtuugkes van twieë vleegsjole, gevestigd op vleegveldj Baek. De vleegtuge zorge veur hinjerlike geluidseuverlas, es die baove Mofert bezig zeen mit vleegoefeninge. D'r zeen dore drökdje in `t lóchruum neet väöl plaatse wo de lesse oetgeveurd kónne waere.

Raodslid Frans Peeters (Lijst Nissen) haet `t probleem ane kaak gestèldj. Óngevieër 35 Moferter steune Peeters in eder geval in zien protes. Volges Peeters is d'r zat ruumdje baove ónbewoondj terrein. Volges de vleegsjole wuuert `t probleem alein mer verplaats, es zie nimmieë baove Mofert moge vlege. Peeters mèldj, det `t euvervlege gein probleem is, mer d'r wuuert eders kieër de moter oetgezet en dan wuuert weer `ne flinke struip gaas gegaeve. Det zou veur de meiste euverlas zorge.

Nao aanleiding van de klachte geit de milieucommissie van Maastrich Aachen Airport bekieken of de vleegoefeninge verplaats kónne waere baove ónbewoond gebied. Behalve Peeters haet ouch Staotelid Pierre Diederen (SP) vraoge gestèldj euver `t probleem.

Mits neet anges vermeldj, valle alle tekste op dees pagina ónger `n Creative Commons Licentie.