Brandj Vinkesteeg meugelik aangestaoke

Inne nach van zónjig 24 op maondig 25 mei is d'r brandj gewaes ane achterkant van `n weuning ane Vinkesteeg. De pliesie óngerzeuk de zaak en hèltj raekening mit brandjstichting. De achterdeur is bie de brandj zwaor besjadigd geraak. Óm `n oer of half twieë koom d'r bie de pliesie `n meljing binne van `ne brandj. Twieë pliesies ginge kieke en dao aangekómme bleek, det de bewoners al oet de weuning wore. Zie zeen opgevange door `t ambulanceperseneel, meh wore neet gewóndj. De brandjwaer haet de brandj geblus en goof snel `t sein brandjmeister. De pliesie is op zeuk nao getuge, waat meugelik get verdachs gezeen höbbe. Getuge kónne zich melje bie de pliesie door te belle mit 0800-8844.

Mits neet anges vermeldj, valle alle tekste op dees pagina ónger `n Creative Commons Licentie.