Reinald de Zwarte kump nao `t Kestieël

Twieëdje Pingsdaag (1 juni), tiedens d'n Daag van `t Kestieël zal hertog Reinald II van Gelder - begenaamp ''De Zwarte'' - nao Kestieël Mofert kómme mit zie gevolg. In `t weekend van 18 en 19 juli zal op `t Kestieël zien dochter Margaretha gaon trouwe mit Gerard, zoon van graaf Wullen VI van Gulik. Reinald kump mit Pinkstere kieken of alle veurbereidinge nag volges plan verloupe.

`t Huwelik zal plaatsvinje tiedens `t evenement Middelieëws Mofert, waat op 18 en 19 juli zal zeen.

Mitten daag van `t Kestieël zal ouch de Antwerpse ''Compagnie van de Morgenster'' zie wie ridders vreuger laefdje. Zie gaeve ónger angere spectaculaire demonstraties zwaardvechte. De kinjer kónne deilnaeme aan de workshop heraldiek, wobie zie zelf häör eige femieljewaope kónne ontwerpe en sjiljere. De ajers kónne óngertösse `n róndjleiding kriege euver `t Kestieël en de Jachtore. Kinjer toet 14 jaor höbbe daen daag gratis toegang en veur ajere is d'n entree € 2,50.

Mits neet anges vermeldj, valle alle tekste op dees pagina ónger `n Creative Commons Licentie.