De Nuujstadse zate hermenie Jónge Klaore haet `t Zate Hermeniekes Festival 2012 gewonne. Tiedens eine spetterend en baeregezellig zate hermeniekes festival aafgeloupe zónjig höbbe weer ein deil joekskapelle en zate hermenieje eine goeaj gedaon noe de prieze. Limburgs kampioen Jónge Klaore haoldje hiebie de meiste puntje vanne jury. `t Waas neet d'n ieëste kieër det Jónge Klaore `t Mofers Zate Hermeniekes Festival haet gewónne; 2 jaor geleje waas häör det ouch al gelök.
Oppe anger twieë plaatse van `t ieërepodium vinje veer twieë joekskapelle oet Hael. Op nómmer 2 waas det de Rettich Bend; einen aje bekindje op dit Mofers festival: in 2007 wonne zie veur `t lès. Op nómmer 3 kwoom de Baerekepel, die in 2009 ouch al `ns gewonne höbbe.
De pries veur `t bès versierde kefee ging dit jaor nao D'n Hoes (Café Two Spirits).
Doeaje man aangetroffe in weuning aan Julianastraot
Donderdigmiddig 2 februari haet de pliesie in `n weuning oppe Julianastraot `t doeaje lichaam van `ne 67-jaorige man gevónje. Volges Dagblad De Limburger zou `t óm Thei Suskens gaon. Oet forensisch óngerzeuk wuuertj geconcludeerd det `t waarsjienlik óm `n misdrief geit.
Laes wiejer...
